KALIBO, Aklan—Ginpamatud-an it sambilog pang residente sa housing project sa Brgy. Jugas, New Washington nga may misteryo gid man nga nagakatabu sa andang lugar.
Suno kay April Joy Ibrada nga kat magnabdos imaw kaibahan ro ap-at nga iba pang kasimaryo hay puro namatay ro andang gina-nabdos sa sueod eamang it sang buean.
Natabu sigon raya ko buean it Disyembre it nagtaliwan nga dag-on.
Eubus sigon imaw nga nangawa bangud sa andang medical check-up hay owa man it problema ag healthy man ro anang ginadaea nga eapsag.
Samtang, ginpahayag man it sambilog pang residente nga si Mrs. Marcelina Dionesio nga maabu man imaw nga nabatian nga istorya halin sa anang mga kaeapitbaeay nga gulpi eamang nga nagasarado it mabaskog ro pwertahan it ibang units it pabaeay maskin nga owa pa it may naga-istar.
Sa pihak kara, puro espekulasyon eamang sigon raya ag owa imaw nagapati nga may naga-eksister nga aswang sa andang lugar.
