Ginpaguwa eon it Commission on Elections (Comelec) ro schedule para sa 2025 midterm elections.
Suno kay Chrispin Raymund Gerardo, tagapaghambae it COMELEC – Aklan nga ro election period hay maga-umpisa sa Enero 12 hasta sa Hunyo 11, 2025 kadungan it igapatuman nga gun ban sa bilog nga nasyon.
Pwede suno kana nga makapangampanya ro national candidates kaibahan ro mga senador ag party-list umpisa Pebrero 11 hasta Mayo 10, 2025 samtang ro mga lokal nga kandidato hay pwedeng mangampanya umpisa Marso 28 hasta Mayo 10, 2025.
Ro overseas voting man hay nakataeanang pagahiwaton sa Abril 13 hasta Mayo 12, ag ro local absentee voting sa Abril 28 hasta Abril 30.
Ginaeauman nga maka-file ro mga kandidato it andang Certificate of Candidacy (COC) umpisa October 1 hasta 8, 2024, kadungan ro pagdihon man it Certificates of Nomination and Acceptance (CON-CAN) it party-list groups.
Ro substitution hay ginapasugtam eamang hasta October 8 ukon sa kahigayunan it diskwalipikasyon ukon kamatayon.// Nakataeana ro adlaw it eleksyon sa Mayo 12, 2025.
Sa pihak nga parte, gindugang pa ni Gerardo nga nag-abot eon sa 7,517 ro nabaton it COMELEC Aklan para sa nagapadayun nga registration umpisa ko pebrero 12 hasta makaron nga buean it Mayo.
Sa nasambit nga numero, 3,957 ro eaeaki samtang 3,560 ro babaye.
Gin-engganyo man nana ro tanan nga kalitan ro madali nga pamaagi makaron it komisyon sa pagparehistro pinaagi sa ginapatuman nga “register anywhere program”.
