-- ADVERTISEMENT --
KALIBO, Aklan — Padayun ro imbestigasyon nga ginahimo it Libacao Municipal Police Station sa pagtakaw sa sangka Piso WiFi vendo machine sa Brgy. Poblacion, Libacao, aga-aga it Domingo, Enero 5, 2025.
Suno kay P/Cpl. John Nichole Recto, imbestigador it Libacao MPS nga ginaboeobanta nga P1,000 ro sueod it nasambit nga vendo machine.
-- ADVERTISEMENT --
Ginpahayag sigon it tag-ana nga gabi-i eun nana nasayuran nga hatakaw raya apang sa anang pagpati hay aga-aga it Domingo gintakaw ro nasambit nga machine.
Ro anang Piso WiFi vendo machine hay nakasueod sa cage ag nakakabit sa guwa it andang baeay.
Dugang pa nga owa man sigon sanda it nakita nga mga CCTV cameras ag witness sa lugar rason nga medyu mabudlay sa pagtumod sa suspek.
