Himuon it gobyerno ro tanan nga paagi agud mapabilin ro mga serbisyo it Philippine Health Insurance Corporation (PhilHealth).
Suno kay Executive Secretary Lucas Bersamin gin-eksplekar eun ni Finance Secretary Ralph Recto nga maabong resources ro PhilHealth nga mahimo kara nga gamiton sa pagpaumwad it para sa mga pumueoyo.
Pahayag ni Recto nga manami ro financial standing it ahensya bangud may una raya nga P280 billion nga reserve, P150 billion surplus, ag magsobra P400 billion nga investments ngani indi raya pagkapuson it pondo.
Suno pa sa finance chief, tututukan kara ro benefit package para sa 10 illnesses.
Samtang, ginpunto man ni ES Bersamin nga uwa it dapat kabaeak-an ro publiko bangud ro ehekutibo sigon hay maingat ag mabusisi sa paggamit mga resources it gobyerno.
Una eun nga ginpahayag ni Pang. Ferdinand Marcos Jr., nga anda panga paeparon ro mga serbisyo it Philhealth.
Ginsiguro man it Punong Ehekutibo nga apisar nga uwa it budget ro Philhealth hay may bastante raya kapasidad agud ipadayonro andang serbisyo sa mga pumueoyo.
