BALITA Espesyal– Sangka gorilya nga gin-eaum nga eaeaki it mga zookeepers ro ulihi eon kat matukiban ro anang matuod-tuod nga kasarian matapos raya nga mag-unga sa anang cage ukon kulungan!
Suno sa statement it mga zookeepers sa Columbus Zoo sa Ohio, limang dag-on eon nanda nga gina-alagaan ro 8-year-old western lowland gorilla nga si Sully ag ro bilog nga pageaum nanda raya hay sangka eaeaki.
Ginpaathag it mga zookeepers nga mabudlay nga masayuran ro kasarian it mga batang gorilya.
Tatlong dag-on eamang si Sully kat gindaea raya sa andang zoo ko 2019 kaibahan ro ina ag mga igmanghud kara.
Hasta nga mag 8 years old, sambilog ro itsura ag mabudlay nga matumod ro kina-iba it babaye sa eaeaking gorilya.
Bukon it kapareho it ibang primate, ro mga batang gorilya hay bukon it halata ro sex organs.
Sa makaron, owa pa ginapaeapitan it mga zookeepers ro bag-ong unga it gorilya bangud nga ginapabay-an anay nanda raya nga alagaan ni Sully.
Sa masunod nga mga inadlaw, pagatan-awon raya it mga beterinaryo para masayuran kon healthy baea ag pagataw-an it DNA test agud nga masayuran kon sin-o ro anang ama.
