KALIBO, Aklan — Sangka government employee ro nabiktima it hit and run, Lunes it hapon samtang nga nagapatabok sa kahabaon it Osmeña Avenue, Kalibo.
Ro biktima hay nakilaeang si Limy Protacio, 56, empleyado it Department of Agrarian Reform (DAR)-Aklan ag residente it Brgy. Poblacion, Balete, Aklan.
Bangud sa kabaskog it naging impact it pagbunggo it motorsiklo kana hay naduea-an raya it alintro.
Suno kana nga nakibot imaw matapos nga nabugtaw nga nagapaeanakit ro anang eawas ag naka-confine eon sa Aklan Provincial Hospital.
Sa makaron hay owa pa nakilaea ro motorcycle rider nga sumaeawig kana nga dumeretso sa direksyon it Brgy. Estancia pagkatapos it insidente.
Pangamuyo kara nga kabay nga madakpan eon ro suspek sa mas madali nga tiempo agud nga mapasabat sa anang saea.
