Kalibo Aklan ——Nagapangatubang sa kasong pag-eabag sa Presidential Decree 1602 ro sangka grupo it kaeaeakin-an matapos sandang maaktuhan it mga pulis nga iligal nga nagasugae online sa bahin it Sto. Niño Village, Poblacion, Kalibo.
Nakilaea ro mga suspek nga sanday Virtue King Villarte, 25-anyos ag residente it Brgy. Bulwang, Numancia; Aaron Sereno, 21-ayos, residente it Mabini Street sa banwa it Kalibo; Archie Duyan, 26-anyos, residente it Brgy. Tigayon, Kalibo; Alfred Rapiz, 24, taga banwa it Kalibo; Christian John Flaviano, 22-anyos, residente it Brgy. New Buswang, Kalibo; Jemuel Maribojo, 26-anyos, residente it Camansi Norte, Numancia ag John Royce Ramos, 21-anyos, residente it Brgy. New Buswang sa banwa it Kalibo.
Base sa inisyal nga imbestigasyon it mga otoridad, nakabaton sanda it impormasyon angot sa iligal nga hilimuon it grupo.
Kung sa siin sa andang pagrespode sa lugar andang naaktuhan ro mga raya nga nagahampang it sangka sikta nga online games nga “mobile legend” ag may kaibahan nga taya.
Narecover sa lugar ro mga pilang unit it cellphone nga ginagamit it mga suspek kamana man ro kwarta nga nagabalor it 6, 110 pesos nga nagserbing taya.
Sa makarun hay sa nakakulong eon sa Kalibo Police Station ro nasambitang grupo para sa nagakaigo nga disposisyon.
