KALIBO, Aklan – Malipayon ro grupo it vloggers nga nagabilog sa Ka Chong Benjie sa andang mga ginahimo nga contents.
Suno sa lider ag direktor nga si Benjie nga imaw ro naga-isip it mga contents ag script.
Bangud kara hay maabo man ro nagadayaw kanda ag mas nagaabo ro andang followers ag views.
Nagabantay sigon sanda sa kun ano ro may una sa social media ag anda man nga ginahimuon it kainaugalingon nga content.
Uwa man sigon nanda ginasapak ro mga bashers bangud nga raya hay uwa man it maitao nga mayad.
Sa rason nga sanda hay may mga pamilya ag trabaho, gabei eamang ro andang oras para makahimo it contents.
Sa makaron, uwa pa sanda it nababaton nga incentives bangud nga tatlong buean pa eamang sanda nga nagahimo it vlogs apang suno kanda handum man nanda nga makabulig sa mga nagakinahaenagean ingkaso nga sanda hay may kitaon.
