KALIBO, Aklan— Nakipagbahin sa selebrasyon it Kalibo Sto. Niño Ati-Atihan Festival ro mga miyembro it Lesbian, Gay, Bisexual, Transgender, queer (LGBTQ) community ko Enero 17, 2019.
Suno sa Aklan Butterfly Brigade, grupo it mga bading sa Aklan nga raya ro kauna-unahang kahigayunan nga nakaangkon it grand pride parade ro LGBTQ nga may temang “Unfold Your True Colors”.
Nauna eon kara gin-engganyo nanda ro mga gustong mag-intra nga magsuksok it makolor nga costume ag magbitbit it mga placards nga nagapanawagan it magkapare-parehong kinatawo.
Ro Butterfly Brigade hay grupo it mga gay ag transgender nga ro adbokasiya hay nakasentro sa pagtapna pagkalhit it HIV/AIDS sa Aklan.
Samtang, ginpaboran ni Albert Meñez, chairman it Kalibo Sto. Niño Ati-Atihan Foundation, Inc. (KASAFI) ro pagrampa it mga bading nga ginakabig nga pagpautwas it kaugalingon nga baeatyagon.
