KALIBO, Aklan—Magapatigayon it rally ro grupong Pagkakaisa ng mga Samahan ng Tsuper at Operator Nationwide ukon PISTON kadungan it State of the Nation Address ukon SONA ni Pangueong Ferdinand Marcos Jr. sa adlaw it Lunes, Hulyo 22.
Suno sa presidente it grupo nga si Mody Floranda, gusto nanda nga maipaabot ro andang hinaing angot sa Public Utility Vehicle Modernization Program kon sa siin mabahoe nga paeas-anon nanda kon mawad-an it prangkisa ro andang mga ginamaneho nga jeepney.
Bukon suno kana it makatarungan nga kon magpaconsolidate sanda hay igasurender ro prangkisa sa kooperatiba.
Gusto nanda nga may mabatian sa SONA ni Pangueong Marcos Jr. angot sa andang ginaduso nga amendment sa rules and regulations nga maabo gihapon hasta sa makaron ro uwa nagpaconsolidate.
Samtang, gintaw-an nanda it bagsak nga rating si Pangueong Marcos Jr. sa ikaywang dag-on nga pagpanerbisyo bilang presidente bangud sa kawad-an it tikang nga masolusyunan ro ginapangatubang nga problema sa andang sektor.
