Sobra-sobra nga grasya, perwisyo ro pagkabig it gobyerno it Thailand sa gulping pag-abo it sangka klase it tilapia sa andang mga kasubaan.
Para maengganyo ro mga tawo nga masikop ro mga isda, ginabakae nanda raya sa haega nga 15 baht.
Haeos mapuno eon it sangkaterbang blackchin tilapia ro sangka suba sa Bangkok nga maskin adlaw-adlawon nanda it pagsikop hay inde gihapon maubos-ubos ro mga tilapia.
Maskin nakalibre it pang suea ro mga tawo, inde gihapon raya makabig nga grasya suno sa andang Department of Fisheries, sangka invasive species ukon dumueoong nga halin sa Africa.
Ro masaklap kara, ginapatay sigon it nasambit nga klase it tilapia ro 20% it andang mga native nga isda sa Thailand.
Bangud kara, nagapameligro nga mawad-an it pangabuhian ro mga mangingisda sa andang nasyon bangud sa ginakaon it invasive tilapia ro itlog it ibang isda.
Madasig sigon nga nagkalhit ro populasyon it nasambit nga dumueoong tilapia nga nakaabot eon man sa iba pa nandang kasubaan sa 13 probinsiya.
