Ginbulgar ni FBI Director Christopher Wray nga ro gunman nga nag-target kay Donald Trump sa sangka campaign rally hay nagpangusisa angot sa pagpatay kay John F. Kennedy antes ro insidente.
Ro impormasyon hay ginsapubliko sa pagpamati it House Judiciary Committee angot sa pagpamaril ko Hulyo 13 sa Butler, Pennsylvania.
Gintawag ni Wray ro hana nga pagpatay kay Trump bilang sangka pag-atake sa demokrasya ag demokratikong proseso.
Angot kara, ginpasiguro ni Wray nga ro FBI hay magapatigayon it maid-id nga imbestigasyon agud sayuron ro bilog nga hitabo.
Nauna eon nga nagresign sa pwesto si Secret Service Director Kimberly Cheatle matapos mag-atubang sa separadong pagpamati kon sa siin nag-atubang imaw sa mga panawagan halin sa parehong Demokratiko ag Republikano nga mag-resign matapos ro kontrobersyal nga hearing.
