KALIBO, AKLAN — Naninahan ro sangka gina dudahan nga gunrunner ag miyembro it gun-for-hire samtang, nakapaeagyu ro kaibahahan kara matapos nga magsukoe sigon sa mga pulis sa gin patigayung entrapment operation sa Park Homes Subdivision, Brgy. Andagao, Kalibo, Aklan.
Nakaangkon it igu it bala sa waeang parte it siki ag hita ro suspek nga si Raymund Olino, sa legal nga pang idaron ag residente it Brgy. Rizal, Ibajay, Aklan.
Nagsukoe sigon ro suspek kat baeabagan it saeakyan it mga otoridad dahilan nga nagresulta sa shootout.
Daywang kalibre .45 nga baril ag an-um nga bala ro narekober kay Olino ag sangka motorsiklo.
Base sa report, nakipagkita ro suspek sa operatiba nga nagpakuno-kuno nga poseur-buyer agud itao ro gina tanyag nga baril nga naga balor it 20,000 pesos.
Ro suspek hay insigidang gin padangat sa Aklan Provincial Hospital ag naga pangatubang sa makaron sa kasong pag eabag sa Republic Act 10591 ukon Comprehensive Firearms and Ammunition Regulation Act.
