Umabot sa haeos tatlong bilyong dolyar ro naging cash remittances it mga Overseas Filipino Workers ukon OFWs ko buean it Agosto base sa naging datos it Bangko Sentral ng Pilipinas.
Nagapangunang katuyuan it nasambit nga remittances hay para suportahan ro pag-eskwela ag iba pang mga gastuson it andang mga pamilya ag himata iya sa nasyon.
Base sa datos it Bangko Sentral ng Pilipinas, ro kabilugang cash remittances ukon money transfer it mga OFWs hay humampak sa $2.885 billion dollars nga nailista ko buean it Agosto it presenteng dag-on.
Mas mataas raya it 32% ukon katumbas it $2.796 billion dollars sa parehong buean ko 2023.
Paathag it Bangko Sentral ng Pilipinas, ro paglobo it mga naipasueod nga cash remittances sa nasyon hay bangud sa pagtaas it numero it mga land ag sea base OFWs.
