Uwa it igapatuman nga pagbag-o sa health protocols sa ikaap-at nga State of the Nation Address (SONA) ni Pangueong Ferdinand Marcos Jr. sa Hulyo 28. Raya hay sa pihak it panibag-ong bugso it COVID-19 infections sa pilang mga nasyon sa Asya.
Suno kay House Secretary General Reginald Velasco, nagnaba eon sa kabilugan ro mga kaso it COVID-19 sa Pilipinas sa nagtaliwan nga limang buean ukon halin Enero hasta Mayo it presenteng dag-on kumpara sa parehong tyempo ku 2024 pati man sa nagtaliwan nga tatlo hasta ap-at nga domiggo.
Sa pihak kara, padayon sa gihapon ro maid-id nga monitoring it House Medical team sa sitwasyon sa ikamayad nga eawas sa sueod ag guwa it nasyon ag maga-isyu it adjustment kun kinahangean.
Ginpahayag man it House official ro permi nga padumdom ni Department of Health Secretary Ted Herbosa sa kahaegahan it pagpatigayon it basic health measures kapareho it pagsuksok it face masks kun kinahangean, masami nga pagugas it alima ag pagpabaskog it immunity eabi eon sa pabag’u-bag-ong butang it panyempo nga posibleng makaapekto sa ikamayad nga eawas.
