KALIBO, Aklan—Nakaimbeto ro sangka babayeng scientist maghalin sa Davao it “healthy beer” nga ginbutangan it probiotics ag durian powder.
Ro “ale beer” ni Kriza Faye Calumba hay resulta it anang daywang dag-on nga pagtuon sa America.
Si Calumba hay assistant professor sa Department of Food Science and Chemistry sa University of the Philippines Mindanao.
Dag-on 2017 kat makabatun it Fullbright-CHED scholarship para maka-eskwela sa Louisiana State University sa US ag idto kara nahimo ro ale beer nga may unang 4.39 percent alcohol content ag probiotics immobilized by durian powder.
Suno kay Calumba, gintawag rayang healthy beer bangud sa preseniya it probiotics nga manami para sa gastrointestinal health.
Ginamitan nana raya it  durian powder para mas madaling mabuhi ro probiotic bacteria sa beer. Ro nasambitan nga  research project  ni Calumba hay ginpasidunggan  sa annual conference  it International Food Technologist Inc. ag naging third place sa Biotechnology Division Poster sa Chicago, Illinois.
