Ginpatindog it Miami Heat ro 2-0 lead samtang pumatas sa 1-1 ro New Orleans Pelicans ag Memphis Grizzlies sa andang mansig playoff series.
Sa Miami, nagpaeupok si Jimmy Butler it playoff career-high nga 45 points para igiya ro Heat sa 115-105 pagsunog sa Atlanta Hawks sa Game Two it andang Eastern Conference first-round series.
Umiskor si Tyler Herro it 15 markers samtang nagtao man sanday Max Strus ag Gabe Vincent it 14 ag 11 points, suno sa pagpasunod, para sa 2-0 bentahe it Miami kontra sa Atlanta.
Ginpasueod ni Bogdan Bogdanovic ro sangka triple para idikit ro Hawks sa 101-104 sa ulihi nga 3:15 minuto it fourth quarter kasunod ro solong 7-0 atake ni Butler para i-eayo ro Heat sa 111-101 sa nagapabilin nga 1:20 minuto.
Humugot si Bogdanovic it 19 sa anang 29 points sa fourth quarter para sa Atlanta samtang may 25 markers si Trae Young.
Sa Phoenix, naghueog si Brandon Ingram it 37 points ag may 23 markers si CJ McCollum sa 125-114 pagresbak it New Orleans Pelicans sa Suns ag ipatas sa 1-1 ro anda nga Western Conference first-round matchup.
Naduea si Phoenix All-Star guard Devin Booker sa third period matapos makaangkon it right hamstring tightness.
Tumapos si Booker nga may 16 points.
Sa Memphis, kumolekta si Ja Morant it 23 points, 10 assists ag 9 rebounds sa 124-96 pagganti it Grizzlies sa Minnesota Timberwolves ag ipatas sa 1-1 ro andang Western Conference first-round series.
