Hidilyn Diaz malipayon nga ginpakigbahin ro pagtapos sa kolehiyo

Malipayon nga ginpakigbahin ni Filipino Olympic gold medalist ag weightlifter Hidilyn Diaz ro anang pagtapos sa kolehiyo.

Sa anang social media hay nagpost imaw it litrato nga naka-toga matapos ro pagtapos sa Del La Salle- College of Saint Benilde.

Natapos kara ro anang kursong business management halin sa NCAA member school.

Naging emosyonal ro caption ni Diaz bangud nag-abot pa it 16 anyos antes imaw makatapos kun siin nagbaylo imaw it kurso ag naghalin it eskwelahan.

Indi imaw makapati sa anang bag-ong accomplishment ag sa ulihi hay ginpasaeamatan kara ro anang pamilya ag mga amigo ag amiga nga nagkumpiyansa kana.