Sangka high school sa Texas, U.S.A. ro ginpaiway anay ro andang graduation ceremony matapos owa nakapasar ro kaabuan sa andang grade 12 students!
Sa 33 nga grade 12 students it Marlin High School sa Marlin, Falls County, Texas, lima eamang sa mga raya ro nakabaton it pasadong marka para makapagtapos it high school.
Sa statement nga ginpaguwa sa social media it superintendent it eskwelahan nga si Darryl Henson, ginpahayag kara nga na postponed temporaryo ro graduation ceremony it andang eskwelahan bangud nga 85% it andang grade 12 students hay puro manaba ro grades ag kueang-kueang ro attendance sa andang mga klase.
Gin-reschedule nanda ro graduation ceremony sa June para makaangkon it bastateng oras ro pila sa andang estudyante nga makaeagas sa pagpasa it school requirements para maging kuwalipikado nga magbaton it diploma.
Sambilog sa rason it mga school officials sa hitabu hay ro pirmeng pag-absent it mga estudyante sa andang mga klase.
Agud nga masabat ro nasambit nga problema, paga-obrahon nanda nga ap-at nga adlaw eon lang ro sueod sa sang domingo.
Nagaeaum ro mga opisyal it eskwelahan nga maging leksiyon sa andang tanan eabi eon sa mga mas batang batch ro natabu sa raya nga school year agud nga indi eon mauman ro masyadong manaba nga graduation rate it andang eskwelahan .
