Ginpasiguro ni House Deputy Speaker at La Union Rep. Paolo Ortega nga magapadayon ro pagpamati it House Committee on Justice angot sa impeachment kontra kay Vice President Sara Duterte sa pihak it mga petisyong ginpasaka sa Korte Suprema.
Suno kay Ortega, bukon it awtomatikong napupunggan it mga petisyon ro proseso hasta nga uwa it mando ro SC kaparehas it temporary restraining order.
Gin-insister nga nagasunod ro komite sa Konstitusyon, House rules, ag ebidensya.
Dugang pa nana, magapadayon ro mga pagpamati base sa iskedyul bilang kaparte it mandato it Kamara agud nga mataw-an it kahigayunan ro Bise Presidente nga madepensahan ro kaugalingon.
Ginpunto ni Ortega nga ro proseso hay nakatutok sa due process ag patas nga pagpamati para sa tanan nga bahin.
