Sangka photographer halin sa Dildo, Canada ro nakabuoe it litrato it sangka iceberg nga korteng kinatawo it eaeaki!
Suno sa photographer nga si Ken Pretty, nagatikang imaw sa baybayon it Conception bay sa Newfoundland kon sa siin nataeopangdan nana nga may sangka iceberg nga matsa korteng kinatawo it eaeaki.
Ko una hay gin-eauman kara nga base na malik-mata eamang imaw ukon tuga eamang it anang mahigko nga imahinasyon.
Para makasigurado, bumalik imaw sa anang baeay ag ginbuoe ro drone camera ag ginpaeopad maeapit sa iceberg.
Matapos maboe-an it drone camera ro iceberg antes nakumpirma nga korteng kinatawo raya.
Ro iceberg hay mabahoe nga yelo nga nagaeotaw sa dagat.
Masami raya nga nagahalin sa mga glacier ukon yelo sa polar region.
Ro iceberg hay may mabahoe nga parte nga nakaeogdang sa idaeom it tubi nga ginatantyang 90% it kabilugang kaabuon kara samtang ro nabilin nga 10% eamang ro nakikita sa ibabaw.
Sa makaron hay inde eon makit-an ro iceberg bangud nga natunaw eon raya.
