KALIBO, Aklan — Medyu nabungkag eon sigon ro Independent Commission for Infrastructure (ICI) sa pag-resign nanday dating commissioner Babes Singson ag Rossana Fajardo.
Raya ro panan-awan ni Atty. Harry Sucgang, political analyst sa Aklan.
Ginpaathag nana nga maskin nga may pilang importanteng rekomendasyon nga ginpatuman ro ICI, bukon pa it tapos ro trabaho kara.
Gindugang pa nana nga mas mayad nga iduso ro ginaproponer nga Independent People’s Commission nga magatau it dugang nga gahum sa ICI eabi pa ag owa pa it may naipakulong nga mga “big fish” angot sa flood control scam.
Mas mayad man suno kana kon itugyan ro pagpadayon it imbestigasyon it Blue ribbon committee ukon sa natungdan nga ahensiya it gobyerno partikular sa Ombudsman ag Sandiganbayan.
