KALIBO,Aklan– Magatapos eon makaron nga adlaw it Lunes ro ika-126th plenary assembly it Catholic Bishop’s Conference of the Philippine ukon CBCP nga gintambungan it haeos tanan nga aktibong Obispo sa bilog nga Pilipinas.
Sa nasambit nga sembleya hay uman nga nag-election it mga opisyales it simbahan kon sa siin uman nga nailihir si Most Rev. Pablo Virgilio (Ambo) David, Bishop of Kalookan bilang CBCP president ag si Most Rev. Mylo Hubert Vergara, Bishop of the Diocese of Pasig ro uman nga nailihir bilang CBCP Vice President.
Sanda hay uman nga magaserbe it kapin sa daywang dag-on nga termino.
Sa pihak nga parte, gintambungan it maabong sumilimba ro misa nga ginpatigayon kabie nga ginpangunahan ni Most Rev. Victor Bendico, D.D, Archbishop of Capiz kon sa siin haeos tanan nga nagpasakop sa asembleya hay nagtambong sa nasambit nga misa.
Ro event nga ginhost it Diocese of Kalibo hay tumaeagsahon nga kahigayunan nga napilian ro banwa it Kalibo nga eubus man nga ginapasaeamatan it Diocese sa pagpanguna ni Bishop Jose Corazon Talaoc.
