Insumite eon it mga prosecutors it International Criminal Court (ICC) ro ika-an’om nga batch it ebidensiya sa kasong crimes against humanity kontra kay dating Pangueong Rodrigo Duterte.
Ro tikang ngara hay parte it pre-trial proceedings angot it mga alegasyon it extrajudicial killings sa idaeom it madugong war on drugs it administrasyon ni Duterte.
Halin kat ginumpisahan ro pagsumite it ebidensiya ku Abril 30, una sa kabilugang 267 items eon ro na-sumite.
Ginpasugtan man it ICC ro dayang beses nga hinyo it mga taga-usig para sa pagpaeawig it deadline para mapatigayon ro mga redactions nga maga-protekta sa pagkatawo ag kaeuwasan it mga testigo.
Ro tanan nga materyales nga na-sumite hay pagagamiton bilang ebidensiya sa nakataeanang pagpamati sa Setyembre 23 makaron nga dag-on.
Sa nasambit nga pagpamati, paga-tumuron ro may bastante nga basehan para padayunon ro kaso sa full trial. Kun nakumpirma ro mga kaso, magapangatubang si Duterte sa eubos nga pagbista sa ICC.
