NATIONAL News — Ginpabugae ni House Speaker Martin Romualdez nga ro tanan nga kinahangeanon nga laye nga ginhinyu ni Pangueong Bongbong Marcos Jr., hay napasa it House of Reprepresentatives rason nga ro positibong epekto kara hay naangkon eon it mga Filipino.
Sa anang diskurso sa pagbukas it ikatlo ag ulihing regular session it 19th Congress ginpabugae ni Romualdez ro mga “legislative accomplishments” it Kamara.
Bilang pamatuod, ginpahayag ni Romualdez nga sa ulihing quarter it 2022 ag unang quarter it 2024 hay nag-umwad ro ekonomiya it nasyon sa 6.1 percent kun sa siin nataasan pa kara ro mga kaiping nga nasyon, partikular ro Indonesia (5.1 percent), Malaysia (4.2 percent), Singapore (2.7 percent) ag Thailand (1.5 percent).
Pagaeauman pa sigon ro 6 hasta 7 percent nga pagtaas it ekonomiya it nasyon makaron nga 2024 base man sa pagtantiya it National Economic and Development Authority (NEDA) ag magapadayun raya hasta sa 2025 nga posibleng mag-abot it 7.5 percent.
Sa pihak nga parte, ginpahayag pa ni Romualdez nga umpisa sa unang regular session it Kamara ko July 2022 hay kapin sa 77 nga laye ro naipasa.
Mag-eowas kara, 100 porsiyento man nga naipasa it Kamara ro 17 priority measures nga ginmitlang ni Pangueong Marcos sa anang 2023 State of the Nation Address (SONA).
