KALIBO, Aklan — Agud nga eubusan nga masabat ro problema sa trapiko ag mabawasan it kapin sa 50 porsiyento ro mga aksidente sa daeanon, uman nga magapatigayon it road safety summit ro provincial government it Aklan sa Mayo 2, 2019 bandang alas-8:30 it agahon sa Corazon Cabagnot Tourism and Training Center sa Brgy. Old Buswang Kalibo.
Ro summit hay may tema makaron nga dag-on nga “Strengthening Partnership Towards Improved Road Safety” nga ginaeauman nga pagatambungan it mga nagkaeain-eain nga ahensiya it gobyerno, academe, NGOs, student leaders, mga pamatan-on, drivers ag commuters kaibahan ro iba pang organisasyon sa sektor it transportasyon .
Ginaeauman nga paga-istoryahan kara ro pilang solusyon agud nga masabat ro problema sa trapiko ag malikawan ro disgrasya sa mga daeanon.
Suno sa UP National Center for Transportation Studies, may tatlong fundamental solutions agud nga mapamayad ro road safety nga nagakinahangean it integrated approach nga ginaeakipan it tatlong E, ro engineering, education ag enforcement.
Gin-insister it provincial government nga maabu pang dapat nga trabahuhon agud nga maabot ro target it probinsiya nga decade of action for road safety umpisa 2017 hasta 2027.
