-- ADVERTISEMENT --
KALIBO, AKLAN — Kasunod it pagdeklara it giyera kontra sa illegal gambling, kapin sa waeong katawo ro gin-aresto it mga otoridad bangud sa sugae nga pusoy dos sa rooftop it sangka establisimento sa Brgy. Balabag sa isla it Boracay.
Base sa report it Boracay Tourist Assistance Center (BTAC), gin-aresto sanday Vicente Sta. Maria, Fernan Albando, Syril Cris Gendraya, Benjamin Sta. Maria, Art John Derla, Joban Maquiling, Joniel Traifalgar ag Jerson Daing, parehong sa legal nga edad ag residente it nasambitang barangay.
Matapos ro pilang adlaw nga surveillance, gin-aresto ro mga raya it pulis samtang masako sa pagsugae it pusoy dos nga nasayurang talamak sa lugar.
Na-rekober sa mga raya ro masobra sa P800 nga ginagamit pantaya ag mga baraha.
