Nagnaba ro imbentaryo it bugas sa nasyo suno sa pagtan-aw it Philippine Statistics Authority (PSA).
Suno sa sa PSA, nagnaba it kapin sa -21.5 ro imbentaryo it bugas umpisa ku Marso 1, 2022 ukon kapareho it 1.6 milyon metric tons it kabilugang rice stock inventory.
Kung pagakumparahon sa kapin daywang milyong metro toneladang imbentaryo it bugas ku nagtaliwan nga Marso 1, 2021.
Nagnaba man ro year rice stock inventory it National Food Authority sa andang depositories sa -41.1% samtang ro mga ginakunsumo nga bugas sa mga panimaeay hay nagnaba man kapin sa -29.7%.
Samtang, mataeopangdan man nga tumaas it 4.6% ro imbentaryo it bugas sa mga commercial warehouse ukon mga trader it bugas.
Sa pihak nga parte, nagnaba man ro imbentaryo it mais sa -28.7% ukon kapareho it 448,000 metric tons halin raya sa 628,000 metric tons nga imbentaryo ku nagtaliwan nga Marso 1, 2021.
