Bukon it Senate Committee on Women, Children, Family Relations and Gender Equality ro magadesisyon kon guilty ukon bukon si Pastor Apollo Quiboloy.
Raya ro sabat it Kingdom of Jesus Christ leader sa mga akusasyon nga gina-eapog kana it mga dating miyembro it andang relihiyon.
Suno kay Quiboloy, kinahang-ean nga pamatud-an it mga victim-survivors sa korte ro andang mga akusasyon agud madepensahan kara ro anang kaugalingon.
Gintawag pa it pastor nga “trial by publicity” ro pag-usisa it komite bangud nga uwa sigon sanda it resource person sa pagpamati bangud nga puro nga naga-akusa kana ro ginpaguwa it Senado.
Hugot nga ginpamalibaran nana ro mga mabug-at nga alegasyon kaparehas it sexual nga pang-abuso ag iba pa kon sa siin uwa sigon raya it kamatuoran.
Apang sa parte ni Sen. Risa Hontiveros, normal eamang sa ginaakusahan ro pagpamalibad bangud nga raya ro pamaagi it mga raya nga makalikaw sa saeabton sa laye.
