Nakataeana nga tapuson it House Committee on Good Government and Public Accountability ro imbestigasyon kara angot sigon sa saea nga paggastos ni Vice President Sara Duterte sa P612.5 milyon pesos nga confidential funds it Office of the Vice President (OVP) ag Department of Education (DepEd) nga dati nana nga ginapamunuan.
Nauna eon nga ginmeting ni committee chairman Manila Rep. Joel Chua para i-wrap up ag i-summarize kon ano ro mga natabo sa imbestigasyon.
Nakahimo it pitong pagpamati ro komite kon sa siin nadiskubre ro mga iregularidad sa paggamit it confidential funds ni Duterte kaibahan eon ro P125 milyon pesos nga naubos sa sueod eamang it 11 diyas.
Ginpahayag ni Chua nga pwedeng gamiton it House Committee on Justice ro mga impormasyong naangkon it komite kon pagakinahang-eanon sa igapatigayon kara nga pagpamati sa mga impeachment complaint.
