KALIBO, Aklan – Nagapadayun ro imbestigasyon it theft and robbery section it Kalibo Police Station ag SOCO-Aklan sa natabu nga panakawan sa sangka gasolinahan sa kanto it Roxas Avenue, Extension ag Calachuchi Road, Andagao kabi-i.
Suno kay Mr. Harvey Gelito, tag-ana it AKY gasoline station nga agahon eon kat mapan-uhan it andang kahera nga basag eon ro saeaming it andang cashier’s booth ag owa eon ro kwarta nga kapin sa P92,000 nga kita nanda kahapon.
Ginapatihan nga ginkuot it mga manakaw ro lock it pwertahan rason nga nabuksan.
Sa pag-usisa natukiban nga ro bueutangan it andang kwarta hay uwa eon, nga kon sa siin hay nakataeana kunta nga iga-deposito makaron nga adlaw.ro nabilin kara nga kwarta.
Ginpahayag dugang nga sa mayad nga swerte, ro ibang kita it gasolinahan hay natigayon eon nga ma-pick-up it bangko kahapon.
Sa makaron hay ginatutukan it mga otoridad ro pagtipon it dugang nga mga ebidensya ag pag review it footages halin sa andang CCTV sa posibleng pagtumod sa identity it mga suspek.
