Nakataeanang pumirma si Toronto Raptors guard Immanuel Quickley it 5-yr contract extension.
Ro nasambit nga kontrata hay ginapahayag nga nagabalor it $175 million dollars base sa inisyal nga report sa NBA.
Si Quickley hay naadto sa Raptors kaibahan ro kaparehong swingman nga si RJ Barett ko ulihing bahin it 2023.
Naging kabaylo ni Quickley hay sanday OG Anunoby, Malachi Flynn, ag Precious Achiuwa nga naadto mat-a sa New York Knicks.
Sa unang season ni Quickley sa Raptors, nakahimo imaw it 18.6 points, 4.8 rebounds ag 6.8 assist, gamit ro 42.2% overall ag 39.5% sa 3-point line.
Madumduman nga nauna eon man nga gintanyagan it Raptors ro bagitong All-Star nga si Scottie Barnes kon sa siin nakataeana man raya nga pumirma it $225 million dollars nga kontrata para sa limang dag-on nga pagpabilin nana sa Raptors.
Sa nakataliwan nga season, si Barnes hay nakasueod sa All-Star bilang kabaylo ni Philadephia 76ers bigman Joel Embiid nga nakaeksperyensya it injury antes ro nasambit nga torneyo.
Ginabuytan nana ro 19.9 points, 8.2 rebounds, 6.1 assists ag 1.3 steals kamana man 47.5% overall shooting ag 34.1% sa 3-pointers.
