KALIBO, Aklan— Ginbantayan it pilang mga Pinoy sa Estados Unidos ro immigration address ni US President Donald Trump, kon siin, anang gin-insister nga una sa krisis ro US-Mexico border ag kinahang-ean it Kongreso nga maaprubahan ro pagpatindog it kontrobersiyal nga pader agud mawakasan ro government shutdown nga makaron hay una eon sa ika-18 diyas.
Sa interview it Bombo Radyo, ginpahayag ni Mrs. Rhodora Masongsong-Dekraker, tubong Barangay Taba-ao, Banga, Aklan ag presenteng naga-istar sa Misquette, Nevada, USA, nga bisan sanda hay nagakabaeaka sa mahimong maging epekto engkasong magbuhay pa ro government shutdown.
Si Dekrader hay presenteng naka-kontrata bilang sangka Aklanon-Hiligaynon translator sa nasambitang nasyon.
Pabor sigon imaw sa katuyuan ni Trump nga mapataasan ro nasambitang border wall agud inde makasaka ro mga illegal migrant nga nagiging kabangdanan it pilang krimen kaparehas it iligal nga droga, panakawan, salisi ag patayan.
