Ginabueubanta nga gaabot sa masobra sang dag-on ro impeachment trial ni Vice President Sara Duterte kun magapadayon ro presenteng daeagan it pagpamati, suno kay Senate President Sherwin Gatchalian.
Sa pihak nga unang gintantya nga matapos ro pagbista sa sueod it an-om hasta pitong buean, nag-hinay ro proseso bangud naga-abot sa daywang adlaw ro pagpamati para sa kada testigo.
Bilang sabat, gina-tun’an it Senado ro proposisyong pagtalakay sa kada artikulo it impeachment nga tig-sambilog agud nga insigida nga maka-prisinta it ebidensya ro depensa matapos ro prosekusyon, sa tuyo nga mapadasig ro pagbista.
Natapos eon it prosekusyon ro presentasyon it kaso angot it gina-alegar nga pagpamaeag ni Duterte kanday Pangueong Ferdinand Marcos Jr., First Lady Liza Marcos, ag dating House Speaker Martin Romualdez.
Umpisa sa Hulyo 29, igapatigayon ro mga pagpamati kada Lunes hasta Miyerkules halin alas-10 it agahon hasta alas-3 it hapon.
