Kalibo Aklan——-Ro gestational diabetes hay diabetes nga natutukiban eamang samtang ro babaye hay nabdos.
Nagataas ro blood sugar samtang nabdos ro mga babayeng may gestational diabetes ag indi raya dapat nga balewalaon.
Ro mga unga nga gin unga it mga babayeng may gestational diabetes hay mataas man ro tsansa nga makaangkon it diabetes sa andang pagbahoe .
Kun indi maagapan ro diabetes it ina samtang raya hay nabdos, ro unga sa tiyan hay nagiging overweight (ro timbang hay 8-pounds pataas) rason nga nagataas ro peligro nga makaangkon ro unga it shoulder injury pagguwa sa puwerta o magakinahangean it cesarean section agud nga maipaguwa raya.
Ham-an nga kinahangean nga magpa OGTT ro nabdos?
Sa OGTT masayuran kun may diabetes sa pagnabdos o gestational diabetes.
Kun may gestational diabetes ro nabdos, nagiging sobra ro timbang it unga sa tiyan .
Pagkatapos nga maka unga hay kaeabanan nga nagakaduea ro gestational diabetes, uman nga nagiging normal ro asukar sa dugo.
Apang kon amat hay naga dere-deretso sa Type 2 diabetes.
