Tumaas it -0.7% ro inflation rate sa Aklan sa buean it Mayo 2025 kumpara ku nagtaliwan nga buean.
Suno kay Engr. Antonete B. Catubuan, chief of statistical specialist it Philippine Statistics Authority (PSA) Aklan, nagakahueugan raya nga nag-naba it -0.7% ro presyo mga baeakeon kumpara sa presyo ku nagtaliwan ng dag-on sa probinsya.
Ku buean it Abril, nalista raya sa mas manabang lebel nga -1.2% ag 4.5% mat-a ku buean it Mayo it nagtaliwan nga dag-on.
Ro average inflation halin buean it Enero hasta Mayo ot presenteng dag-on hay una sa 0.4%, bangud kara ro haega it piso hay ginatantyang una sa 0.81 sentimos makarong buean ag uwa it nalistang paghueag kumpara ku nagtaliwan nga buean.
Dugang pa nana, ro nagapangunang rason it pagtaas it inflation hay makaron nga buean hay ro mas madasig nga pagtaas it presyo it pagkaon ag mga non-alcoholic beverages sa -3.6%. Raya hay may 51.8% share sa pagtaas it inflation.
Ro panagywa sa nagapangunang rason it pagtaas it inflation hy ro pagtaas it presyo it housing, tubi, elektrisidad, ag gas and fuels nga may 48.2% share sa pagtaas it inflation.
Sa kabilugan sigon, naglista ro bilog nga Western Visayas it 1.5% inflation sa buean it Mayo it presenteng dag-on, mas manaba kumpara ku nagtaliwan nga buean it Abril.
