KALIBO,Aklan — Ginpaathag it solid waste management division it lokal nga gobyerno it Kalibo ro importansya it waste segregation kasunod sa information dissemination nga ginapatigayon it taeatapan angot sa programa nga No segregation, No collection policy.
Suno kay Mr. Michael Selorio, head it enforcement and education unit it solid waste management nga ro nagatuga it masangsang nga hugom sa basura hay ro mga left over ukon ro mga nabubulok rason nga kinahang-ean raya nga iseparar sa mga plastic ukon basura nga recyclable.
Ginpahayag dugang nga ro pagsegregate it basura ro yabe agud nga makontrol ro pag-inabo ag pagkalhit kara sa banwa it Kalibo.
Kinahang-ean suno kana nga umpisahan raya sa tagsa ka panimaeay bangud nga mag-eowas nga makabulig sa environment hay mabuhinan pa ro mga nakatambak nga basura sa ugsaran.
Nasayuran nga ro nasambit nga programa hay striktong igaimplementar sa buean it Setyembre pagkatapos it ginahimo nga information dissimenation sa publiko
