-- ADVERTISEMENT --
KALIBO, AKLAN — Sangka international cruise ship ro nag dungka sa isla it Boracay kaina it agahon.
Suno kay Caticlan Jetty Port Administrator Niven Maquirang, naga abot sa 2,000 nga turista nga kaabuan hay mga Chinese ro sakay it MS SkySea Golden Era nga gina panag iyahan it International Cruises kaibahan ro kapin sa 800 nga mga crew.
Nag abot ro barko bandang alas-6:00 kaina it agahon ag maga buhay hasta it alas-2:00 it hapon.
Kapareho it nakasanayan, gin sugaeaw ro mga turista it makolor nga Ati-Atihan dance performance.
Ro MS SkySea Golden Era hay pang-waeong cruise line nga bumisita sa Boracay makaron nga dag-un.
-- ADVERTISEMENT --
Gina tantiya nga siyam ro pang cruise ship ro nakataeanang mag abot sa isla hasta sa matapos ro makaron nga dag-un.
