Kapin sa 14 nga overseas Filipino workers (OFW) ro gintabangan it gobyerno matapos maka-eowas sa Iranian missile nga tumama sa sangka residential building sa siyudad it Rehovot, nga may 20 kilometro eang ro kaeayuon sa Tel Aviv, Israel.
Mabahoe ro naging pasaeamat ni DMW Secretary Hans Leo Cacdac nga eowas ro tanan nga 14 nga OFW sa pihak nga sambilog sa mga raya hay gindaea sa ospital.
Insigida man nga naghueag ro Migrant Workers Office sa koordinasyon sa Philippine Embassy para mataw-an it ayuda ro mga naapektuhan nga kababayan sa padayun nga banggi-anay it Iran ag Israel.
Ginpasiguro man ni Cacdac nga padayun ro andang mga ginahimo agud nga taw-an it kinahangeanon nga bulig ro tanan nga mga Pinoy nga apektado it giyera sandig man sa mandu ni Pangueong Ferdinand Marcos Jr.
