-- ADVERTISEMENT --
KALIBO, Aklan — Nagpromisa ro National Irrigation Administration (NIA)-Aklan nga magatao it mga water pumps sa nagkaeain-eain nga irrigation associations sa probinsya bilang kaparte it mitigating measures sa nakataeanang pagpasarado it irrigation canals.
Suno kay Engr. Lorena Sioco, acting division manager it NIA-Aklan nga nagapangayo sanda it pag-intindi sa mga maapektuhang mangunguma.
Ro an-om nga bueang pagpasarado hay maga-umpisa sa Oktubre 1 agud taw-an it daean ro construction it P370-million nga diversion dams para sa Aklan River Irrigation System nga makit-an sa Barangay Sigcay, Banga ag Barangay Kinalangay Viejo, Malinao.
Ro proyekto hay gin-umpisahan ko Enero 22, 2018 ag ginaeaumang matapos sa Enero 12, 2020.
