MALAY, Aklan – Nakalista it 76,540 nga tourists arrival ro isla it Boracy ku Agosto 1-15, 2024 kun siin 58, 273 hay domestic tourists, 1,008 nga overseas Filipinos ag 17,259 hay foreign tourists.
Nagapanguna gihapon ro mga nasyon nga Korea, China, United States of America, Taiwan, Australia, Japan, United Kingdom, Russia, India ag Canada.
Pahayag ni Katherine Licerio ro Public Information Officer it Malay Tourism Office 5,000 o 6,000 man ro daily tourists arrival sa nasambitan nga period apang ku Agosto 23 hay nakaabot raya it sobra 8,000 bangud sa long weekeend.
Apisar man nga maeian ro tyempo ukon naga-ilinuean hay manami sa gihapon ro sueod it mga turista.
amtang, pamalibad man ni Licerio nga uwa man it kaso it turista nga nakabueo it dengue ngani ro mataas nga kaso it dengue cases sa Malay hay uwa man nakaapekto kanda.
Sa pihak nga parte, bugae sigon nanda nga pang-ap-at nga pwesto sa ‘most visited island destinations in Asia’ sa TimesTravel it The Times of India, ngani manami sigon raya nga klase it promosyon.
Ginapatihan nana nga ro nakapaengganyo sa gihapon hay ro pino ag puti nga baeas, manami nga water activity, manami nga tubi ag sunste.
Padayon man sanda sa andang Project Pristine nga nagatuyo it coastal and underwater clean-up ag tree planting sa isla kaibahan ro Local Government Unit it Malay.
Padayon pa ro andang paghimo it mga tikang agud mas makabueo it maabo nga partnership ag maboost ukon maipromote pa ro isla.
Sa makaron baeantayan man ro Tourism Week Celebration sa sueod it sang dominggo kun siin maabo raya nga mag aktibidad dugang pa ro Launching it Marhaba Boracay ukon Halal shores for Muslim travelers ag maabong iba pa.
