Ginpahayag it Israel nga base sa daywang sources nga pamilyar sa insidente nga namatay eon sigon si Iranian Supreme Leader Ayatollah Ali Khamenei matapos ro ginpatigayon nga pag-atake it Israel ag Estados Unidos, adlaw it Sabado, Pebrero 28.
Nakabuoe sigon ro Israel it litrato it eawas ni Khamenei samtang ginpahayag mat-a it iba nga nagapahaom it opisyal nga anunsiyo ro gobyerno.
Ginpahayag ni Israel Prime Minister Benjamin Netanyahu nga may maabong senyales nga si Khamenei hay “no longer with us.”
Samtang, ginpamalibaran mat-a raya it Iranian Foreign Ministry spokesperson Abbas Araghchi nga ro presidente ag ro Supreme Leader hay “safe and sound.”
Si Khamenei ro nagbueos kay Ayatollah Ruhollah Khomeini, lider it 1979 Islamic Revolution ag may ulihing desisyon sa tanan nga nagapangunang polisiya sa nasyon.
Ginapamunuan nana ro Iran’s clerical establishment ag ro paramilitary Revolutionary Guard, nga daywang nagapangunang sentro it gahom sa theocracy it Iran.
Apang, hasta sa makaron hay uwa pa nakikita sa publiko ro lider it Iran halin kat mag-umpisa ro serye it mga pag-atake.
