Tel Aviv, Israel – Naglunsar it mga air strike ro Israel kontra sa Houthi movement sa Yemen, sang adlaw matapos tamaan it drone it grupo ro Tel Aviv.
Suno kay Defense Minister Yoav Gallant, tuyo it andang nasyon nga magpadaea it mensahe sa grupo.
Raya ro unang kahigayunan nga sumabat ro Israel sa ginapahayag kara nga ginatos nga drone ag missile attacks halin sa Yemen sa mga nakataliwan nga buean.
Gintamaan it mga pag-atake ro Houthi-controlled Red Sea port it Hodeidah, sabado it gabie.
Suno sa gobyerno, tinamaan it Israel ro mga pasilidad nga tambakan it langis maeapit sa baybayon, pati eon man ro kaeapit nga planta it kuryente kon sa siin may mga sibilyan nga nadaeahig.
Nauna eon nga ginpahayag ni Prime Minister Benjamin Netanyahu nga pagadepensahan it andang nasyon ro kaugalingon sa maskin anong pamaagi.
