KALIBO, Aklan–Ginpaathag ni Abdul Karim Bonjibod, sangka Islamic preacher sa probinsya it Aklan nga ro isyu sa Hijab hay mabuhay eon nga ginaistoryahan it muslim skolar.
Raya hay pang eambong it mga kababayin-an kamana man kaeaeakin-an sandig sa kasueatan ag kasuguan it Muslim.
Tuyo kara nga matakpan ro mga pribado nga eawas it sangka indibidwal.
Apang, uwa suno kana it problema kon himuon raya nga selebrasyon kada Pebrero 1 it dag-on kon ro katuyuan hay bilang pagrespeto ag pagkilaea sa pang-eambong it mga Muslim.
Hinyo eamang nana nga kunta konsultahon anay ro muslim skolar bangud nga sanda ro may nagakaigong kasayuran angot kara antes nga ipatuman.
Madumduman nga gindihon ni Sen. Robinhood “Robin” C. Padilla ro hagna nga National Hijab Day kada Pebrero 1 it kada dag-on bilang pakikiisa sa mga kababayin-ang Muslim ag pagpahaega sa andang pagsuksok it hijab bilang simbolo it kahinhinan.
Base sa Senate Bill 1272 nga gindihon ni Padila, gusto it senador nga tuldukan ro diskriminasyon kontra sa kababayin-ang Muslim pinaagi it “awareness, education ag empowerment.”
Sa idaeom it proposisyon, ro National Commission on Muslim Filipinos (NCMF) ro magiging lead agency sa pagselebrar it National Hijab Day, sa pakikipag-angot sa Bangsamoro Women Commission.
