Mabahoe ro posibilidad nga 100% eon nga magpanumbalik sa normal ro sitwasyon ag pagpangabuhi sa nasyong Italy.
Raya hay kasunod it amat-amat eon nga pagbukas it mga establisyemento ag negosyo na nasambitang nasyon.
Suno kay Bombo International Correspondent Armie Esparcia Delos Santos, umpisa makarun nga adlaw hay hilway eon nga makaguwa ag makaadto sa ibang mga lugar sa Italya ro mga pumueoyo matapos nga buksan eon ro mga region idto.
Sa makarun suno kay Delos Santos hay waea-tuo eon ro pagsilinadya it mga tawo bangud sa paghaeuga it mga polisya nga ginapatuman it gobyerno.
Angot kara, maskin nga may kahilwayan eon ro mga pumueoyo hay padayun pa gihapon nga ginamandu ro pagsuksok it facemask ag pag-obserba it physical ukon social distancing eabi eon kung nagapadueong sa mga pambulikong lugar ag nagasakay sa mga pampublikong transportasyon.
Ro Italy hay nakalista it kabilugan nga Coronavirus Disease ukon COVID-19 cases nga 232, 664 kung sa siin 33, 340 ro namatay samtang ro total recoveries man hay naga-abot sa 155, 633 matapos ro pagbueong ag quarantine procedure.
