KALIBO, Aklan–Nakalista eon ro Japan it daywang ka mga kaso it monkeypox.
Apisar nga sa Tokyo nadiskubrehan ro mga kaso apang ginpamalibaran it gobyerno nga close contact it unang kaso ro ikaywang pasyente.
Ginpahayag ni Bombo International Correspondent Josel Palma, naga-edad it 30 anyos ro eaeaking pasyente nga infected it virus.
Naghalin sigon raya sa bahin it North ukon Central America kung siin nag-abot raya sa Japan ko buean it Hulyo.
Una eon sigon sa estable nga kondisyon ro pasyente nga presenteng nagapabilin sa ospital.
Pila sa mga sintomas nga nakit-an sa pasyente hay ro rashes sa anang mata, sakit sa ueo ag sore mucles.
Ginapatihan nga na-infect raya it virus sa guwa it nasyon ag ulihi eon nabatyagan ro baeatian.
Madumduman nga nauna eon nga gin-deklara it World Health Organization (WHO) nga global health emergency ro monkeypox virus.
