KALIBO, Aklan—Uwa it lockdown nga ginpatuman ro gobyerno it Japan kasunod it nagapadayon nga paeag it 2019 coronavirus disease ukon COVID-19.
Suno kay Bombo International Correspondent Gemma Salarda, tubong Iloilo City apang presenteng nagatrabaho sa Tokyo, Japan, gusto man kunta nanda nga i-lockdown ro andang syudad bangud nga maskin sanda hay nahadlok eon magguwa apang uwa pa sigon it mando si Prime Minister Shinzo Abe.
Ginpahayag dugang nga self discipline ro naga-iral makaron sa mga pumueoyo kasunod it mga advisory nga ginpaguwa it gobyerno kaparehas it pagsuksok it face mask kon nagaguwa, ipatuman ro social distancing ag permi maghugas it alima.
Bussiness usual sa Tokyo, Japan maskin nga ginbawaean eon ro mga pumueoyo nga mag-adto sa mga bars, restaurants ag iba pang mga matawo nga lugar.
Maskin ro transportation sa lugar hay nagapadayon bangud nga haeos tanan hay may trabaho pa ag uwa pa sigon masyadong nabatyagan ro epekto it COVID-19 sa nasambitang nasyon.
Bilang part timer, ginarisgo sigon nana ro anang kaugalingon sa pagtrabaho sa pagtravel adlaw-adlaw kon sa siin hasta nga inde magpatuman it lockdown ro gobyerno hay inde mag-untat ro andang trabaho.
