Ginklaro it sangka geopolitical analyst sa nasyon nga si Professor Anna Malindog-Uy nga ro ginhimong joint combat operation it Estados Unidos ag Israel kontra sa Iran hay makabig nga pag-eabag sa international law; pag-eabag sa United Nation charter; makabig raya nga assault sa sovereignty it Iran ag unconstitutional into war sa bahin it Estados Unidos bangud nga kinahang-ean pa magconvene ro andang kongreso ag kinahang-ean makasayod ro mga opisyal it estado sa plano it gobyerno.
Ginpaathag pa nana nga ro retaliatory attack it Iran sa mga US base military partikular sa Middle East hay bilang depensa ag pakikipagsukoe sa dignidad ag soberanya it andang nasyon.
apang, hasta sa makaron hay uwa pa it mga nagpabutyag nga nasyon partikular ro mga kaalyado it Iran nga magpasilabot sa tensyon it tatlong nasyon bangud sa may ginaamligan man ro mga raya nga soberanya ag ginatan-aw eagi nanda ro magiging epekto engkasong makipagbahin sanda sa kinagamo.
Nauna eon nga ginpahayag ni Iranian President Masoud Pezeshkian nga may pilang nasyon eon sigon nga nag-umpisa sa pagtinguha sa pinaagi it mediation agud mabuhinan ro tensyon sa rehiyon.
Nagapabilin sigon nga nakatutok ro Iran sa pangmabuhayan nga kalinungan sa rehiyon.
Ginpunto pa ni Pezeshkian nga ro mga tikang sa mediation hay dapat man nga manabat ro mga nasyong ginaismol ro pumueoyong Iranian ag nag-umpisa it kinagamo.
