KALIBO, AKLAN — Kadungan sa uman nga pag-activate it Joint Task Force Boracay it LGU-Malay, nagpatigayon it simulation exercises sa kidnapping, bomb ag terror attack sa isla it Boracay kaibahan ro Maritime Joint Task Force “Area Shield” Central Command it Armed Forces of the Philippines.
Suno kay Rowen Aguirre, task force executive director, kapin sa 100 personnel ro kaeakip sa 25 minutong exercises agud ipakita ro ikasarang it ginbilog nga task force sa pagsugpo sa posibleng pag-atake it mga bandido ag teroristang grupo sa isla, coastal areas ag kaiping kara nga lugar.
Katuyuan sigon kara nga mapabaskog ro seguridad sa isla bangud sa nagakatabong krisis makaron sa Marawi City tuga it rebeldeng Maute.
Ro multi-agency task force hay ginabilog it Boracay Tourist Assistance Center, PNP-Martime Group, Philippine Coast Guard, Philippine Army, Philippine Navy, Bureau of Fire Protection, MDRRMO-Malay ag iba pang ahensiya it gobyerno.
