KALIBO, Aklan—Ginpahayag ni Atty. Axel Gonzales nga naging patas si Quezon City RTC Branch 221 Judge Jocelyn Solis-Reyes sa anang ginpaguwa nga desisyon kaangot sa Maguindanao massacre kon sa siin nasentensyahan it guilty ro mga nagapangunang akusado partikular sanday dating mayor Andal Ampatuan Jr., dating ARMM Gov. Zaldy Ampatuan ag Anwar Ampatuan.
Apang, ginforecast kara nga pag-abot sa apela it mga mga Ampatuan hay may ma-abswelto.
Suno kana, maabo nga desisyon sa korte nga pag-abot sa apela hay nababaliskad.
Madumduman nga ko adlaw it huwebes hay ginpaguwa ro sentensyang guilty sa 28 nga mga indibidwal ag sa 15 accessories samtang 55 ro naabswelto.
Nasayuran nga 57 eamang ro ginkilaeang numero it mga namatay sa kaso sa baylo nga 58 nga ginaduso it prosekusyon bangud nga uwa makita ro bangkay it photo journalist nga si Reynaldo Momay.
